Aurkezpena

PROPOSAMENA TESTUINGURUAN JARTZEA

Iturria: http://maps.google.es

Ikasleek triangeluekin lan egiten ikastea da sekuentzia didaktiko honen helburua. Triangeluak aldeen eta angelu moten arteko erlazioari lotutako ohiko bi irizpideen arabera bereizten eta sailkatzen ikasiko dute. Xedea da ikasleak triangeluak trazatzeko gai izatea edozein datu-konbinazio oinarri hartuta, horretarako marrazketa matematikoa egiteko tresna bat erabiliz, lana errazago egin dezaten, eta kontzeptuak hobeto uler ditzaten. Ikasitako teknikek papererako, konpaserako eta erregelarako ere balioko dute. Gisa berean lan egingo da zuzen nabarmenak trazatzean eta triangelu baten erdiak zehaztean. Asko erabiliko dugu Geogebra tresna, oso elkarreragin eta plastikotasun egokia lortzeko aukera ematen duelako. Erronka bat proposatzen da sekuentziaren hasieran; eta hari sekuentziaren amaieran emango diote erantzuna.

JARDUEREN SEGIDA

A etapa - Sarrera

• 1. jarduera. Lehendabizi, triangelu bat sortuko dugu haren elementuak identifikatzeko, eta elementu horiek datu nola bihurtzen diren ikusteko. Datuen arteko erlazio aljebraikoak aurkezten dira. Ikasleek triangeluak bereizten ikasten dute, bai aldeen luzeren arteko erlazioaren arabera, bai inskribatutako angelu moten arabera.

B etapa – Garapena

• 2. jarduera. Jarduera honetan, zenbait datu-konbinaziotan oinarritutako triangeluen marrazketa-tekniketan jarriko dugu arreta. Ikasleek teknikak ikas ditzaten ahaleginduko gara, bai eta papera, erregela eta konpasa erabilita ere teknika horiek baliatzeko gauza izan daitezen lortzen ere. Ariketak egiten dituzten bitartean, Geogebra aplikazioa erabiltzen ikasten dute.

C etapa – Bukaera eta ebaluazioa

• 3. jarduera. Aurreko jardueretan ikasitakoari esker, errazagoa izango da ikasleak orain proposatzen diegunaz jabetzea. Jarduera honetan, ikasleek zuzen nabarmenen eta haiei lotutako zentroen ezaugarriak aztertu behar dituzte. Azkenik, Euler-en zuzena definitzen da, eta sekuentzia didaktikoaren sarreran proposatutako erronka ebazten da.

Ibilbidea

Gida honek atal hauek ditu:

• Orientabide metodologikoak. Gomendioak irakasleak jarduerak egin ditzan, erantzunak eta baliabideak.

• Programazioa:

  Arloaren gaitasunak.

  IKT gaitasunak.

  Ikasketa-helburuak eta edukiak.

  Ebaluazio-irizpideak.

• Material honi buruz. Proiektuaren oinarriak datoz, sekuentzia didaktikoen oinarri den ikuskera teorikoa eta materiala erabiltzeko eta deskargatzeko gida.